Cinema hall nung ozüngsabo naklu ken matentsü

New Delhi, Jan 09 (Agencies) : Cinema hall nung noksa sayutsü metenzükdang ozüng amato linük naklu ken (national anthem) atentsü atema tamalen koba ozüng ka latetja liasü, ibaji agiener, ta tanü Monglubarnü Supreme Court-i metetdaktsüogo.
November 2016 nung latetba ozüng melenshitsü atsüanem akar, ta shia Centre-i linük nung tematiba okadak affidavit ka agütsüba sülen anogo ka lir tanü Supreme Court-i iba osang sangdongogo.
Attorney general K K Venugopal-i tetuyuba agütsüba nung ajemdaker Chief Justice of India (CJI) Dipak Misra-i aniba obendangertemi ashiba agi, tang nungibo cinema hall nung ozüngsabo linük naklu ken metendaktsütsü.