‘Circular Road’ masü Tajen Ao Road ta amshitsü mepishir

Dimapur, Luroi (August) 18 (TYO): Ao Students’ Union Dimapur (ASUD)-i Tajen Ao Road nung aliba shishilembar ajaki ‘Circular Road’ ta aliba signboards ajak melentsü atema mepishia metetdaktsü.
2016 küm iba nüngja melenshir küm ana süia aruaka dokan kari ‘Circular Road’ ta dang amshir. Anungji tekaratiba nung iba nüngja melenshitsü mepishir, ta ASUD mendenpurtemi ashi.
All Nagaland College Students’ Union (ANCSU)-i tongtipang onük aika tuteta ola adokba ajanga teti atema telemtetba tajung ka agitsü imlar. Higher education ya kanga tongtipang lir saka ali atsünga agiba aser scholarship mapang shitak nung magütsüba khurettem ajanga kaketshirtem asoshi tetsükdaktsü bentsür arur, ta ASUD-i mendenpurtemisa metetdaktsü.
Sorkari tebang agi nangzükba dang masü saka tarutsü nung tang ajuruba khurettem majurutsü atema higher education system nung temelenshi bener arutsü imlar. ASUD-i kaketshirtem aser ANCSU-i benokba onük ajak pusema nungiter, ta ASUD Tir Lanutoshi Aier aser Tongti Tezülur, Moayanger Jamir nati sangdong ka nung ashi.