Civil Secretariat nung Sadbhavana tenangzükba agiogo

Kohima, Luroi/August 21 (TYO): India linük tesem ajak den liromedema Nagaland nunga Civil Secretariat, Kohima nung Sadbhavana Diwas munga Home Commissioner, Abhijit Sinha, IAS-i ketdangsüa Nagaland Civil Secretariat nung ketdangsertem aser staff tem nem Sadbhavana tenangzükba agiogo, ta ketdangsertem osang ka ajanga metetdaktsü.
Sentong lenir aser Home Commissioner Sinha-i, linüki taoba mapang Ato kilonser, Rajiv Gandhi pa asoba anogomung nung bilemteter, ta ashi. Sinha-isa, nüburtem tangatetba balal lir, ajisüaka nüburtem tsüngda tesunep nung külemi litettsü atema ‘Sadbhavana’ ajanga linüki tangatetba balala ajak toktsür kin, region, tamangba yimsü, oshi-open kecha mebendangi longjemer alitsü bangjemer, ta metetdaktsü.