Civil service & allied coaching centre ka lapokogo

Kohima, Tsüklai/February 6 (TYO): Core Institute of Coaching (CIC) ta nüngja agütsür Public Service Commission (UPSC), Nagaland Public Service Commission (NPSC) aser UGC-NET/JRF atema coaching centre tasen ka Keziekie, Kohima nung Mongolbarnü lapokogo.
Institute coordinator-i sangdong ka ajanga ashiba agi, iba centre ya Sazolie College Chaplain Nzanthung Kikon-i meshiteta sarasademtsür tenzükogo.
Kasa sangdong ajanga, centre lapokba sentong nung institute coordinator Thepfusalie Theunuo-i o jembiba mapang institute nükjidong lemsatep aser ashiba agi, iba centre ajanga civil service atema tatidang agütsütsü jangrartem nem shisatsü tajung agütsütsü aser tangar den sütepa tokteptsü asoshi tasa agütsütsü nükjidong lir. Iba den ano tesayur akümtsü aser academic research aotsü jangraba kaketshirtem nema tangazükba balala agütsütsü.
Theunuo-isa, Civil Service aser UGC-NET atema admission agi tenzükogo aser mezüngbuba kaketshir pongu nem shilem 5 agi tajemba nung admission agitsü aoshi maongka agütsütsü, ta ashi. Maneni tangalen nungi arur kaketshirtem atema hostel facility renemja lir, ta paisa ashi.
Sentong nung Sazolie College administrator Vizeto Kin-i lokti pelaa agizükba o jembi aser Sazolie College, Assistant professor, Jonna Naroibam-i tepela anküp o jembia liasü.