Civil Supply department dang tatidang agitsü akanger

Dimapur, May 19 (TYO) : Nagaland nung Food & Civil Supplies department nung tatidang magii Grade III inyakertem January 2003 nungi March 2016 tashi nung shimer 73 tashi lir aser parnokji anendaktsür Naga nunger zünger mapa mengui alir lanurtem ajak nem kasasa maongka agüja shimtsü asoshi tatidang agitsüla ta telok ka tenüng agi Nagaland Public Rights Awareness & Action Forum (NPRAAF)-i metetdaktsüogo.
Kasa osang ya osangkakettem nung February 29 aser May 11, 2016 nü nübortem nem metetdakja sangdong, saka iba sülena March 10, 2016 anogo nung LDA asem tatidang magi shimogo ta NPRAAF teloki metetdaktsü.
Item aibelenba mapatemji metongshir, May 19, 2016 nü nungi zünga ango 30 tsüngda item mapatem asoshi tatidang agitsü osang metetdaktsütsüla ta takangba ka Director, Food & Civil Supplies nem NPRAAF teloki agütsüogo.
Iba ama shitak masüba mapatem memetongshi tashi sentong tapu balala ayongzüka longkak aittsü ta parnokisa metetdaktsü.