CJI inyaktsü atema Justice JS Khehar shim

New Delhi, December 6 (Agencies) : India nung taruba Chief Justice ji Justice Jagdish Singh Khehar asütsü.
January 4, 2017 nü India Tir, Pranab Mukherjee-i Justice Khehar nem Chief Justice of India inyaktsü tenangzükba agidaktsütsü.
Arishi küm 64 tain Justice Khehar ya India nung 44 buba Chief Justice asütsü. Pai January 4, 2017 nungi August 4, 2017 tashi iba mapa inyaktsü aser pa ya Sikh nunger rongnung mezüngbuba Chief Justice inyaksang asütsü.
Mongulbarnü Chief Justice TS Thakur-i sorkar dang taruba Chief Justice ji Justice Khehar shimtsü atema tezüluba ka agütsü.