CKHSS nung class takdang aser apu semzük

Kohima, Aenjeti (January) 31 (TYO): Rasemnü (Bodhbar) Kohima nung SDB Salesian Provincial of Dimapur, Rev Fr Netsor Guria-i Christ King Higher Secondary School (CKHSS) nung kanga nüngdaka aliba class takdang pezü den apu ka semzüktsüogo.
Building tasen sülokba aser primary section-higher section aser playground sendaktepba tetsüng apu meshitettsüba sülen Rev. Fr. Guria-i school ketdangsertem dang kaketshirtem nem shisaliok tajungtiba agutsütsü ayongzüka liasü.
School nung primary aser higher section na sendaktepba apu ya tanurtem meyirutsüsa kanga junga yanglutetba atema pa ketdangsertem dang pelaba metetdaktsü.
P Khel, Kohima Village Chiarman, Kruyie Pienyü-ia school-i shisaliok agutsüba dang masü saka terenlok mapa balala inyaktsüba atema tenüngsang agutsü.
Iba sentong nung Fr. Peter Salew, SDB Parish Priest-i lokti pelaa agizük aser Catholic Union Tir, Albert Keneingu-i tepela anküp o jembia liasü.