CKHSSAA Kohima-i senden ayongzüktsü

Kohima, Luroi/August 16, 2019 (TYO): Christ King Higher Secondary School taruba Hon Jubilee benjungmung dak sendakba nung Christ King Higher Secondary School Alumni Association, CKHSSAA Kohima-i taoba batch aser Association-i shimtetta yutsüba committee balala tem den telongjem sentong ka den repsema senden amenstsü asoshi metetdaktsür.
Iba sentong ya August 21, 2019 Bodbarnü Medical College, Phriebagei tesem nung nikongdang 2:00 ako nungi tenzüka agitsü. Iba dak sendakba nung, school nung azünger taoba kaketshirtem ajak arua adentsü asoshi mepishir.
Iba den bendenloksema, jubilee nüngo kaket nung noksa inoktsü asoshi photo session agitsü, anungji, golden jubilee atema committee balala indang convenor ajak parnok züngsem den aruagi iba senden nung adentsü asoshi metetdaktsür.