February 1, 2016 nü Chen jila nung RD & REPA Minister, CL John-i Govt. High School ki lapoktsüba angur.
Dimapur, February 2 (TYO) : February 1, 2016 nü RD & REPA Minister, CL John-i Chen jila nung Govt. High School building lapoktsü.
CL John-i tongti tesemdanger o jembidang ashiba agi, education ji yimti aser jilatem nungdang masü saka pei aliba tesem nung angutsü akok.
Nagaland kübok yimtsüng timbaka nung Govt. School tem lapoka lir anungji kaketshirtemi pei yimtsüng nung class X tashibo azüngtsüla, ta paisa ashi.
CL John-isa tesayurtem dang tarutsü putu atema kanga dang nendaka aser bendanga agüja inyaktsü ayongzük.
Tongti tesemdangerisa nübortem School kiji pei indang ama bilema anepalutsü ayongzük aser school nem sen 50,000 tenla agütsü.
Iba sentong nung mendenji AHM GHS Chen, Alemnungsang liasü, CTB Youth-i ken ka aten aser SDO Civil Chen, Khuvenyie Vadeo-i anküp tepela o jembi.
You must be logged in to post a comment Login