CL John-i VK town-Maromi lenmang lapoktsü

May 4, 2016 nü Rural Development & REPA MInister, C.L.John-i V.K. town nungi Maromi village gari lenmang lapoktsüdang agiba noksa angur.

Dimapur, May 4 (TYO) : May 4, 2016 nü Rural Development & REPA Minister, C.L John-i Zunheboto district kübok VK Town nungi Maromi Village tashi yangluba gari lenmang lapoktsü.
Iba gari lenmang ya MGNREGA/Convergence fund kübok yanglu aser kilometer 0.75 tasazük lenmang ajungaji ‘soiled, metal aser black topped’ süogo.
Tanü sentong nung C.L John-i o jembidang, senotsü timi ketdangsüa mapa tajung inyakba atema tenüngsang agütsü.
C.L John-isa Local MLA aser Information & Public Relations Parliamentary Secretary, Kekhaho Assumi, Maromi village G.Bs & DBs, V.K.R.S. aser EAC Mongo, V.K town-i anir ketdangsertem dang pelaba metetdaktsü.
Iba sentong nung C.L John meina Merentoshi Jamir, Advisor to C.M aser Obed Sumi na aru.