Clark Journal of Theology sayaogo

Dimapur, January 22 (TYO) : Deobarnü Clark Theological College Principal, Rev. Dr. Marnungsang-i Clark Journal of Theology Volume VI, Issue No 2 (ISSN 2455 – 5789) meshiteta sayatsüogo.
Multi-Purpose Hall, Clark Theological College, Aolijen nung sentong ka nung pai iba kaket sayatsü.
Clark Journal of Theology ajanga maneni tongtipang onüktem kongshir aser iba ajanga alima nung theological wadang nung alirtem teyari angur, ta Rev. Dr. Marnungsang-i o jembidang ashi.
Clark Journal of Theology den tanga International academic journals melentepba ajanga CTC kaketshirtem aser alima shisaluyimba teloktem tajangzük angur. Iba atema kaket zülurtem dang pelar, ta paisa shisem.
Sentong nung kaketzülur Dr. L. Imsutoshi Jamir-ia ashiba agi, tang adokba Clark Journal of Theology ya taküm college indang omen- “Discerning the Signs of the Times” nung ajemdaker adokba lir.
Iba jagi kaketji “Intertwining of Politics, Culture and Religion” omen nung ajemdaker zülu, ta paisa ashi.
Dr. L. Imsutoshi Jamir-isa Principal, faculty members aser ocet agütsürtem ajak dang pelaba metetdaktsü.