Clark Theological College nung Ao oshi agi tenzükogo

Mokokchung, November/Yimpoksüi 07 (TYO): Clark Theological College (CTC) nung tanü November 7, 2023 nungi Ao oshi agi tenzükogo.

Ao Riju-i Clark Theological College nung Ao oshi agi tenzükba ya Ao oshi oben renloka aotsü asoshi aser talisa laishirtemi tetsü oshi tali terajemba nung angateta Tsüngrem osang tajung sangdongba nung shilem agitsü asoshi lir ta Ao Riju Mendenbuba Rev. Prof. Rongsen Longkumer ajanga metetdaktsü.

CTC nung tanü iba Ao oshi ya BD Final Year Semester 2 pur nungi agia tenzükogo.

Clark Theological College nung Ao oshi agirtem ajungshia Ao oshi agir rongnungi shibai tematiba jenjang nung takok ngutetdir Ao oshi renloka odaktsütsü tangatetba nung tentetba foundation “Jemtimenba Mollier Foundation” (JMF) ajanga kümren ka nung tematiba jenjang tongteter nem tetushi sempet agutsütsü ta JMF tenung nung JMF Tezülur Wb. I.Temjen Tzüdir-i iba class agiba mapang metetdakja liasü.