Clark Theological College Sunday

Tamang aser sarasadem nung amendaker tenzükba Clark Theological College (CTC) küm 44 tashi Tsüngremi anir arudagi. Nükla tejangja yur ABAM-i iba College tenteta toktsü. Tanü tashi ABAM kübok aliba arogotem, kija, kibongtem, Nagaland Baptist Church Council (NBCC), kübok arogo aser lokti balalai nungita yariba ajanga CTC wadang takok ngua inyaka arudar. Küm 44 tashi arudang Tsüngremer taochi manung nüngdak ajak peridakja anir aruba asoshi Tsüngrem nem tenüngsang agütsüdi.
Taküm küm asoshi June nungi academic session tenzüka odagi. Students tasenpur 85 agizük aser tang students ajak agi 300 kümogo. Iba den tesayur 18 aser non-teaching staff 23 lir. CTC nung Bachelor of Divinity (B.D) aser Master of Theology (M.Th) agutsür. 10+2 zünger arurtem B.D küm 5 aser Graduate sür arurtem atema B.D küm 4 azünger.
Iba den M.Th item department nung agutsür: Christian Ministry (specializing in Counselling and Christian Education), Christian Theology, New Testament aser Communication. Tanü tensa den peta Tsüngremer tenyaba mapa tajungba aser teperiba inyaktsü asoshi Weekend ministries, Holistic/Mission exposures, CTC Choir ministries, Clark Centre for Peace Research and Action (CCPRA), Clark Centre for Leadership Development (CCLD), Clark Communication and Cultural Research Centre (CCCRC) ajanga sentong balala ayonga agir aser iba jagi arogo aser nüburtem aika ajangzüka arudagi.
Arogotemi CTC Sunday ta tenüng jateta July 10 nü CTC asoshi sarasademtsüba aser rongsen tenlaba ya temoatsü ulura. Nenok tamang sarasadem aser rongsen teyari medeni CTC wadang takok ngua meinyaktetsü, anungji maneni item asoshi sarasademdaktsüner:
1.     May 2016 nungi tenzüka Principal tasen Rev. Dr. Marnungsang-i mapatem achayanga anir odagi. Pa aser kibong tenzükba wadang asoshi sarasademjangma.
2.     Tsüngremi shimtetba tenzükertem (faculty and staff) parnok taküm, kibong aser tenzükba wadang asoshi Tsüngremer shisatsü meshijangma.
3.     CTC Board of Governors, Chairperson Mrs. Rowainla aser züngsemtemi tani tebelem jenti arema shisatsü aser nungdak ajak nung yarir, parnok taküm aser kibong asoshi sarasademjangma
4.     CTC nung timtemer kibong nungi aruba students aika lir. Timtem jenti aremzükteta Tsüngrem tenzüktsü tejangraba nung arua azünger.
Parnok yaritsü asoshi College-i küm nung Rs. 10,00,000 (ten lacs) tashi indoka yarir. Iba mapa nung kija/kibong/arogo aikati shilem tajung agia arudagi. Timtemer students yaritsü asoshi tetenlar tali adokdakjang ta sarasademdaktsüner.
5.     Tetenzük nungi CTC nung Founding members, Life membership, Prayer Partners aser Patrons shilem agirtem aika adokogo. Parnok teyari kodanga amatsü makok. Tsürabur tajungtem aika akümli tembangogo, ano aika arishia tokja lir. Parnok mapa tajung asoshi Tsüngrem nem tenüngsang agutsüdi. Parnok chirnur aser semchisemnurtem atema sarasademtsüdi.
6.     Temulungertem asoshi shilem agitsü lenmang sadema lapoka lir. Tatishitsü; timtemer students atema Mess fee Rs. 1,700 (per month), Book grant Rs. 2,000 (per month), Life membership Rs. 10,000 (ken agütsüba), Patron Rs. 50,000 (ken atema), iba amala nung shilem agitsü asoshi tejangrar tali adokdakjang ta sarasademdaktsüner.
7.     CTC nung züngteter nisung 1,600 tashi tesem balala nung Tsüngremer tenzükba wadang balala nung nokdaka lir. Parnok asoshi sarasademdaktsüner.
Adianutem teyaritep aser mulungso tenla ajanga CTC-i Tsüngremer mapa tuluba inyaka otettsü. Maneni CTC asoshi sarasademjangma.
Kibubar tenzükba wadang nung
Rev. Dr. Marnungsang, Principal
Clark Theological College
Website: www.ctcnagaland.com
Email : ctcprin@gmail.com
Mobile: 9402695009

You must be logged in to post a comment Login