Class 12 topper tem anema case benok:Bihar

Patna, June 7 (Agencies) : Chief Minister Nitish Kumar-i FIR ka benoka bushisüngdangtsü temelaba agütsüba sülen Mongulbarnü Bihar nung Class 12 science aser arts subject tem nung topper tem anema case ka benokogo, ta ketdangsertemi ashi.
Science nung mark timba angurtemji Saurabh, Sreshtha aser Rahul Kumar aser arts nungi Rubi Rai den V.R. College director nunger iba case nung densema lir. Saurabh, Rahul Kumar aser Rai nunger ya V.R. College nung zünga liasü.
Par pezü ya tatidang nung takok mongutetba ajanag re-test agütsüdaktsü aser iba mapang mark anguba ya achizüka züluba asü masüar ibaji bushisüngdangtsü atema iba case ya benokba lir.
Iba case ya Indian Penal Code (IPC) Sections 420, 465, 467, 468, 471 aser 120 B kübok benokba lir.