Class VIII & IX question papers auya; Anogo aser routine melenshir

Dimapur, November 27 (TYO): Government High School, Sovima, Dimapur nung question papers auyaba ajanga Nagaland Board of School Education (NBSE) Class VIII & Class IX final tatidang anogo thinenogo aser routine melenshiogo.
Class IX Final examination 2017 ji November 30 nungi December 8 tashi agitsü, ta NBSE chairman-i sangdong ka nung metetdaktsü.
Iba tatidang atema NBSE-i English, Mathematics, Social Sciences, Environmental Education aser Alternative English subject tem atema question papers tasen agütsütsü. Tanüngba ‘sixth subjects’ aser MILs atemabo taoba mapang agütsüba question papers dang amshitsü, ta NBSE sangdong nungsa ashi.
November 29, 2017 nü Board ketdangsertemi district headquarters nung question paper tasentemji agütsütsü aser Kohima district kübok aliba school tembo Board office nungi agizüktsü metetdaktsüogo.
Govt High School, Sovima nung lapokba examination centre agiener aser iba school atema Class IX Final examination 2017 indang centre ji Govt High School, Diphupar B alitsü. Iba ken o dak sendakba asoshi temzüng nung aliba ama mapa inyaktsü, ta NBSE sangdong nungsa metetdaktsü.
Class VIII indang taruba tatidangji December 6, 2017 nü agitsü.
2015 nunga questions papers auyaba sülen Nagaland Board of School Education (NBSE)-i Class IX final examination- 2015 thinena liasü.