Classic Cup final tanü asayatsü; CCK teloki Challengers Cup akok

Kohima kübok Kohima Local Ground nung Challenger Cup 2016 asayaba jakdang KPC & CCK telok asayar aser ketdangsertemi aroki agiba noksa ka yangi angur. (Kohima, November 29)

Kohima, November 29 (TYO): Kuki United Football Club (FC) teloki defending champions, Barak FC telok den 22 buba Classic Cup 2016 football asayamong final tan November ita 30 nikongtsütsü 1:00 ako nungi tenzüka, Kohima kübok Kohima Local Ground nung asayatsü renema lir.
Classic Club Kohima (CCK) teloki ‘Dream courage to achieve’ omen nung ajemdaker ayongba asayamong final asaya nung Nagaland Parliamentary Secretary, Youth Resources & Sports, State Lotteries & Music Task Force, Khriehu Liezietsu tongti tesemdanger alitsü.
Ano külen, CCK teloki takok ngua, Classic Cup asayamong den sentaktepba 9 buba Challenger Cup takok marok tanü, Mongolbar nü agizükogo.
Par teloki goal 7-3 agi Kohima Press Club (KPC) telok madak takok ngua, tanü takok marokji agizük.
Challenger Cup asaya nung KPC asayar Xavier Rutsa-i Player of the Tournament; CCK nungi Chotisuh Sazo-i Highest Scorer; KPC nungi H.K. Chishi-i Best Goalkeeper; CCK nungi Akielie Yano-i Best Defence aser KPC asayar, Narain B. Sagar-i Scorer of the Match sempet/senpet agizüka liasü.