Classic Cup: Puliebadze Club Jotsoma final-i iogo

Kohima, Yimpoksüi/November 20 (TYO): Classic Club Kohima-i ayongzüka Kohima local ground nung tang asayaa aliba 25buba Classic Cup nung Puliebadze Club Jotsoma pur tanü semifinal asaya koka final tongtetogo.
Mezüngbuba semifinal asaya nung Pulibadze Club puri goal ka agi Kohima Eagles pur kokogo. Asaya nung goal ka ya Neilie Nagi-i idakja liasü.
Puliebadze Club-i asaya amokbanger asaya aser minute 10buba nung goal idaktsütsü asoshi maongka angu, ajisüaka Ngachonhor-i metsüba ball Kohima Eagles custodian Ikiho Assumi-i nokdang. Minute pongu lir Neilie Angami-i danger zone nungi ball metsüoktsü saka pai metsüba ball tezüleni oadok. Kasa mapang nung ano Menonikho Nakhro-i long ranger ka metsü saka ball cross bar adena oadok.
Asaya nung minute 31 orr aliba mapang Kohima Eagles puri goal idaktsütsü maongka angu. Parnok rongnungi Limakumzuk Ao-i goal nung ball tongoktsü saka Puliebadze custodian aser skipper Tsoneru Odyuo-i kanga junga nokdang. Iba sülen asaya mezüngbuba shilem nung telok katidanga goal idaktsütsü maongka mongutet.
Lemon break sülen Kohima Eagles pur minute 57buba nung goal idaktsütsü maongka angu. Menguzelie Rutsa-i cross asüba ball ka Sürhosül Zhotso-i kanga junga tongoktsü saka Odyuo nokdang.
Telok anapronglai goal idaktsütsü asoshi merangdanga aruba sülen Neilie Nagi-i minute 66buba nung goal ka idakja Jotsoma Club Puliebadze pur final-i ai.
November 21 nü asaya:
New Market XI vs Sechü-Zubza Football Club @ 2PM