Cleanliness Drive nung NCC Girl Cadets-i shilem agi

Kohima, Rongjui/September 24, 2019 (TYO): Tang tagidak aliba Cleanliness Drive sentong, koba September 17 nungi tenzüka October 02, 2019 nü tashi agitsü renemogo, iba sentong pusema, 1 Nagaland Girls Battalion NCC-i tejangraba aser temulungtetba tulu nung pei azüngba Schools aser College Campus den temüket tesemtem merüka liasü, ta PRO (Def) sangdong ka ajanga metetdakja liasü.
Iba sentong agiba den külemi Girl cadets-isa tzü mopung aser libajen merüka ayutsü indang nung awareness campaigns tenzükja liasü. Tang tagidak aliba cleanliness drive sentong nung Nagaland indang district ajak nungi Schools aser Colleges 70 nungi Girls Cadets 3,000 agi shilem agidar, ta kasa sangadong ajanga metetdaktsü.