Clement-i, EPL coach tajungtiba sempet angu

London, February 10 (Agencies) : Hokolbarnü Swansea City indang head coach Paul Clement nem January ita atema English Premier League (EPL) nung coach tajungtiba sempet agütsüogo.
Clement ya Swansea telok nung January 03, 2017 nü nungi America nunger Bob Bradley melena coach aküm aser pa lenisüba kübok Swansea City-i league asaya pezü asayaba nung asemben tashi akok. Ibaji ajanga tang par telok kecha tarendaktsü makai aküm, ta osangbenertemi ashi.
Parnoki Selhurst Park nung Crystal Palace madak 2-1 agi takok angu, Anfield nung Liverpool madak 3-2 agi aser Southampton madak par asaya moapu nung 2-1 agi ta takok ngua lir. Parnoki Liberty Stadium nungang Arsenal madak 0-4 agi tamakok angu.
“Ni iba sempet ya club tenüng nung agizüker. Club nung inyakertem aser asayartemi ni aruba sülen nungi mapa tajunga inyakba angur,” ta arishi küm 45 tain, Clement-i ashi.
Clement-i iba sempet asoshi Mauricio Pochettino (Tottenham Hotspur), Mark Hughes (Stoke City) aser Ronald Koeman (Everton) nunger dang vote timba nguteta liasü.