CM aser NPP-i Phazang asüba mangyimer

Kohima, Aenjeti 28 (TYO): Mmhonlumo Kikon kinüngtsü, Penmi Phazang mapang tatsüka shiranga aruba sülen tanü nikongdang 6:00 ako meta Zion Hospital, Dimapur nung asüba osang angashia aoksar aser mangyimer, ta tanü Nagaland Chief Minister, T R Zeliang-i sangdong ka ajanga metetdaktsü.
“Iba ama mangyim mapang nung ni mangyim jashi lemsateper aser ajak takoksang Tsüngremi asür kibong züngsemtem nem tesünep agüjang ta sarasademtsür; asür tanela tatem makai tesünep nung anisüngzükdakjang ta ni sarasademtsür,” ta kasa sangdong nung shia lir.
Ano külen National People’s Party (NPP) Tir aser külem tenzükertemi sangdong ka ajanga, MLA, Mmhonlumo Kikon kinüngtsü, Penmi Phazang asüba osang angashia aoksar, ta metetdaktsü.
“Iba ama mangyim mapang nung onoki par kibong den tejashi lemsateper aser ajak takoksang Tsüngremi parnok nem tashi aser tesünep agüjang ta sarasademtsür; asür tanela tesünep nung anisüngzükangma,” ta sangdong nungsa shia lir.