CM complex tasenba taküm renemtsü

Kohima, March 26 (TYO) : Nagaland Legislative Assembly ki sülen tang tesüdak aliba Nagaland Chief Minister complex tasenba taküm, 2017-18, renemtsü, ta sangdong ka ajanga metetdaktsü.
Public Works Department (Housing)-i tang temendak Assembly nung agütsüba osang Parliamentary Secretary Levi Rengma-i metetdaktsüdang, iba complex nung telemsa pezü lir — talitsü ki, office, State banquet hall aser ainertem anenzükba ki, ta metetdaktsü. Staff quarter unit 44 aser services & support atema takdang tenet alitsü.
Iba project nung sen crore 49.07 nüngdaktsü aser iba ki noklang nung shilem 90 bo joko renemogo, ta kasa sangdong ajanga metetdaktsü.