CM-i anir cabinet züngsemtemi Home Minister den ajurutep

Dimapur, Aami (June) 12 (TYO): Tanü Nagaland Chief Minister Neiphiu Rio-i anir Cabinet züngsemtem den Lok Sabha indang Member of Parliament (MP) Tokheho Yepthomi nungertemi New Delhi nung Union Home Minister den ajurutep.
Senden nung Neiphiu Rio-i Nagaland nung Helicopter services tanabuba tenzüktsüba, disaster management fund agütsütsü, police modernization, Naga yimten tebilemtsü aser ENPO tesem renlokdaktsütsü onüktem metetdaktsü.
India Prime Minister-i Nagaland semdangdang nangzükba ama ENPO asoshi temulung agütsütsüla ta senden nung S. Pangnyu Phom-ia tebilemba lemsatep.
Külen, Dy. Chief Minister Y Patton-ia Nagaland nung law & order tensa junga lir ta ashiba den Centre nungi senotsü teyari talila meshi.
Iba mapang Union Home Minister-i akokba tashi Centre-i Nagaland yaritsü ta nangzük.
Chief Minister aser pa den cabinet züngsemtemi Union Home Minister dang Parliament nung Lok Sabha züngsem tasen Tokheho Yepthomi tejak shiyua liasü.
Tanü Home Minister den amenba senden nung Chief Minister Rio den Y. Patton Dy. Chief Minister, S.Pangnyu Phom Minister for Health & Family Welfare, Imnatiba Advisor, Industries & Commerce, Kazheto Kinimi Advisor, Skill Development, Labour and Employment and CAWD, Dr. Longriniken Advisor Law and Justice, Border Affairs and Treasuries & Accounts, BJP State President Visasolie Lhoungu, General Secretary NPP Sasank Ghatraj aser MP Tokheho Yepthomi nungertem liasü.