CM-i Chaga Gadi & Lamsimngyi salem abener

Dimapur, October 30 (TYO) : Nagaland Chief Minister, TR Zeliang-i Zeliang nunger den Chaga Gadi & Lamsimngyi benjung salem metetdaktsüogo.
Zeliang nungertemi iba benjung amungdang tetsü-tebou sobaliba wazüka ayutsü aser pei sobaliba sayatsü ayongzüker, ta chief minister-i sangdong ka nung metetdaktsü.
Iba benjung ajanga lokti tali akangshitsü aser Zeliang nunger atema dang masü Naga nunger ajak nem yimjung aser azükaru bener arutsü imlar, ta TR Zeliang-isa metetdaktsü.