CM-i mangyimba osang lemsatep

Kohima, May 04 (TYO): Bodhbar aonung Nagaland Minister, Imkong L. Imchen tetsü, Wt. Tsüpongchila asüba osang angashia Chief Minister, Dr. Shürhozelie Liezietsu-i pa den mangyim osang lemsatepogo.
Chief Minsiter-i, “Yasüng la asüba osang angashia ni mangyimer. La dak sasapela aser anepalu liasü, aser la meteta alirtembo ajaki la meima liasü,” ta ashi.
“Lar chirnurtem sorkar mapa balala nung temaba jenjang nung aliba aser maneni state aser loktiliba nung tongtibang shilem agibaji ajanga lai lar chinurtem koma anitet, iba kuliji sayur. Tamanger rongnung mezüngpurtem ama la tamangdir ka liasü, aser la alima nungi pilaba ajanga tanü lar züngar ishika, akumlirtem rongjentsü,” ta mangyim osang nungsa shia lir.
“Ni, Nagaland sorkar tenüng nung na aser ner kibong züngsemtem den asüko mangyim lemsateper aser ajak takoksang Tsüngremi iba ama mangyim mapang nung nü nem tesüneptsüba tanela agüjang ta sarasademtsür. Ano asür nema tatem maka tesünep agüjang ta ni sarasademtsür,” ta Chief Minister-isa ashi.