CM-i mezüngbuba NII Project lapoktsütsü

Dimapur, January 05 (TYO): January 6, 2017 anüngdang 11:00 ako nung Conference Hall, Nagaland Civil Secretariat, Kohima nung Department of Information Technology & Communication-i tang mezüngbuba National Information Infrastructure (NII) Project lapoktsütsü, ta Brihostibarnü sorkar osang ka ajanga metetdaktsü.
Iba sentong nung tongti tesemdangerji Nagaland Chief Minister, T.R. Zeliang asutsü aser IT&C, Transport, Civil Aviation & Border Affairs Minister, P. Paiwang Konyak tetushi tejaoker asutsü.
Iba sentong ya Chief Secretary, Pankaj Kumar IAS lenisüba nug agitsü aser India sorkar tenüng nung MeitY Joint Secretary, Sanjiv Mittal IAS-ia jembitsü, ta kasa osang ajangasa metetdaktsü.