CM-i minister 4, Parl. Secretaries 10 & Advisor 2 anentsü

Kohima, Jul 9 (TYO) : Tang Nagaland nung MLA teimbakati chief minister, Dr. Shurhozelie Liezietsu maginüi anema apusortem rongnung tatar 16 mapa nungi anentsüogo. Item rongnungji minister 4, Parliamentary Secretary 10 aser advisor ana dena lir.
Minister pezüji Home Minister, Yanthungo Patton, Power Minister C. Kipili Sangtam, Forest, Environment & Climate Change Minister, Imkong L. Imchen aser PWD (National Highways) minister G. Kaito Aye liasü.
Tang Nagaland Governor PB Acharya Mumbai nung oa lir saka paia parnok pezü minister nungi anentsütsü atema chief minister-i telemtetba agibaji agizükogo.
Raj Bhavan osang ajanga ashiba agi, Acharya ya oagi Delhi nung Pranab Mukherjee president menden nungi maludang tesüsaba chiyongba sentong nung dener külenang July 12 sülenji Kohima-i meyipa arutsü. Ano, anogo ishika tsüngda pa kibong kümer küm 50 ajungba sentong ka par lima nung agitsü lir ta angazüker.
Chief Minister-i yasüngsa Parliamentary Secretary 10 den Advisor ana TR Zeliang (Finance) aser Nuklutoshi na anentsür liasü.
Mapa nungi anentsür Parliamentary Secretary-temji itemi liasü : Parliamentary Secretary for Animal Husbandry & Veterinary Service S Chuba Longkumer, Parliamentary Secretary for Geology & Mining, NBDA and NePED Naiba Konyak, Parliamentary Secretary for Land Resources Development and Excise B S Nganglang, Parliamentary Secretary for Higher & Technical Education Deo Nukhu, Parliamentary Secretary for Fisheries, Printing & Stationery Shetoyi, Parliamentary Secretary for Industries & Commerce Amenba Yaden, Parliamentary Secretary for Justice & Law, SIRD Y M Yollow, Parliamentary Secretary for PWD (Housing) Levi Rengma aser Parliamentary Secretary for NRE, Fire & Emergency Services Toyang Changkong Chang.
Yashi Honibar nü T.R.Zeliang chief minister südaktsünertem Kaziranga, Assam nung oagi adenshir Chief minister Dr Liezietsu CM menden nungi agientsü jembiba sülen tang Nagaland yimten nung mepetmesü adoker.
Dr.Shurhozelie ya chief minister kümer ita trok August nung ajungtsü aser iba mapangji mesüidang pa MLA kümer alitsü asoshi par constituency Northern Angami nung July 29 nü election agitsü asoshi Election Commission of Indiai anogo latetja lir aser pa asüng Hombar nü nomination paper agütsütsü renema lir ta angazüker.
Ano, Deobar nikongdang Chief Minister’s Banquet Hall, Kohima nung NPF central office bearers senden ka lia, tang oagi Kaziranga nung alir shirnok amajok nung tangar nem anishidaktsür, parnok dangji taidoker tanaben party nung agizükdaktsüner ta party tir dang temepishiba ka metetdaktsüogo.
Parnokisa MLA-tem dang nübortemi parnok dak temulung lemteta shimtetba ama ‘power’ dang arishia melii nübortem tenzüka alitsüla ta metetdaktsü.
Parnokisa Disciplinary Action Committee ajanga Party tiri tatartem NPF nungi anentsübaji agizüker ta metetdaktsü.
Iba pangzüng committee nung Pusazo Luoruo, Convenor, Shingnyu Khiam aser Rukiumong Yim na member liasü.