CM-i Mokokchung Town küm 125 benjungmung lapoktsütsü

Dimapur, November (TYO): December 12, 2015 anüngdang 11: 30 ako nung Nagaland Chief Minister, T.R Zeliang-i Imkongmeren Sports Complex, Mokokchung nung Mokokchung Town küm 125 ajungba benjungmung lapoktsütsü.
Tamasabo iba sentong ya December 14, 2015 nü agitsü sentong liasü.
Chief Minister, T.R Zeliang-i Mokokchung jila nüburtem den jembiba dak alia pai Jubilee nüngshilung lapoktsüba den külemi nüngo-a sayatsütsü.
Iba sentong nung National Highway, Mechanical & Election Minister, Nuklutoshi-i tesentepertem pelaa agizüktsü aser Ao Senden Tir, Imolemba-i tayongzükba o jembitsü.
Kasa sentong nungsa taoba mapang Mokokchung Town Committee Chairman, Bendangnukshi-i ‘Reminiscing Mokokchung town’ omen nung jembitsü.
Benjungmung lapokba sentong nung Mokokchung district aser kidanger district tem- Tuensang, Zunheboto aser Wokha district tem nungi sobaliba dak sendakba teloktemi yar tsüngsangba ajanga shilem agitsü.
Iba dak alia Mokokchung town nung aliba Arogotem, Fellowship tem aser tamangba yimsü balalai Mokokchung Town atema sarasademtsü.
December 12 nungi 17 tashi benjungti mapang Food Fests, Farmers Fair, Kids Carnival & Fun Stall alitsü, ward balala tsüngda arr atsütepba den volley ball asayamung alitsü aser “Vision Mokokchung 2040” onük nung panel discussion akatsü, Naga Orpheus Retro Nite, Elders Meet aser tanga shilem aika agitsü sentong lir.
Iba benjungmung atema kanga mazüngi terenemshiba tulu kadar aser iba benjung tatembang December 17 aonung Shillong Chamber Choir indang kenten sentong akatsü.
Iba benjungmung ya tatemsa kümshia ayonga akaba Khristmas Cake Race aser December 31, 2015 aonung Watch Night programme agia tembangtsü.