CM-i Mongmong benjung salem lemsateper

Kohima, September 02 (TYO): Nagaland Chief Minister, T.R Zeliang-i Sangtam nunger den Mongmong benjungmong salem osang lemsateper, ta tanü Chief Minister’s Office, Media Cell-i sangdong ka ajanga metetdaktsü.
Chief Minister-i, iba benjungmong mongpu ya ajanga teimla ajak ataloktsü aser asen jakdang lenmang tasen tenzüker südakjang, ta ashi.
CM-isa, iba benjungmong ya ajanga iba kin dang masü saka Naga lokti ajak akangjungshitepa alitsü aser taliba longjema iba benjungmung taliba tetezü ketdaktsütsü imlar ta kasa sangdong nungsa metetdaktsü.