CM-i sorkar-CEEPL tezüngzüktep atema telangzüba agutsü

Kohima, Rongjui/September 20 (TYO): Nagaland tatartem senden nung tanü Opposition Lenir, T.R Zeliang-i Shakespeare Sarani Road, Kolkata nung Nightingale Building dak sendakba nung Nagaland sorkar aser Civil Engineers Enterprise Pvt Ltd (CEEPL) na tsüngda mezüngbuba tezüngzüktep agiba, iba sülen tanü tashi nung Agreement renew asüba indang asüngdangba langzüdang Chief Minister-i, ibaji 6.08.1982 küm agi aser Revised Agreement ji 24.12.1997 nü agi, ta metetdaktsü.
CM-isa, Nagaland sorkar aser CEEPL tsüngda court nung ken o atema parnoki affidavit file süogo, ta metetdaktsü.
CM-isa, Nagaland sorkar aser Northeast Handloom & Handicraft (NEHH), Mrs. Bano Angami na tsüngda ken o nung, NEHH-i Nagaland House, Kolkata nung aliba ken o-a court nung benoka lir, ajisüaka Mrs Bano Angami-i court nung mebenoki iba ken oji jembia latettsü atema mepishiba shidi ka yokogo aser Nagaland sorkari ibaji agizükogo, ta metetdaktsü.
CEEPL, NEHH aser Hind Xerox, Nagaland House Kolkata nungi ita shia Nagaland sorkari rent agnubaji yamai alitsü:-
a) CEEPL -Dec 2017 tashi lakh 5 aser Jan 2018-09-20 nungi lakh 7.
b) Bano Angami (NEHH) – La aliba May 2001 nung anentsüba sülenbo sorkari rent magizüker.
c) Hind Xerox – Rs.100.