CM-i Visebi Dolie asüba mangyimer

Kohima, Luroi/August 22 (TYO): Visebi Dolie arishi küm 91 lia Kohima nung asüba osang angashia jashia mangyimer, ta tanü Nagaland Chief Minister, Neiphiu Rio-i sangdong ka ajanga lemsatep.
“Asür Visebi Dolie ya ajaki kanga junga meteta aliba teintet senso ka liasü aser Khonoma village nung kanga akhümtsübua aliba sensotem rongnung ka liasü. Pa kanga tongmelang aser kanga shisa taka nisung ka liasü; aser ibaji, tongtibang onüktem nung mapang ajak nung nisungtemi pa dang nungi shisatsü agiba ajanga jangjar,” ta sangdong nung shia lir.
“Maparen ajak nung pa ochishir liasü aser par kibong nunga ibaji benshidaktsütsü pai merang. Pa asüba ajanga mangdang alir ka, aser len sayur ka makai asenok aoksaogo,” ta paisa ashi.
“Kü den kinüngtsü aser ozü kibongi mangyimer den mangyim jashi lemsateper. Tsüngremi ajak nem temeim aser tesünep agüjangma. Asür tanela tesünep nung anisüngzükdakjang ta sarasademtsür,” ta paisa shisem.