CM Relief Fund nung sen lakh 45.50 bendenogo ; Actor Sushant Singh Rajput-i sen crore 1.25 agütsü

Dimapur nung Bollywood actor Sushant Singh Rajput-i Nagaland Chief Minister Neiphiu Rio den ajurutepdang agiba noksa ka angur.

Dimapur, Rongjui (September) 4 (TYO): Tesüiba anogo pezü tsüngda CM Relief Fund nung sen 45.50 tenla sarutet aser Kiphire district nem sen lakh 10 lakh agütsüogo ta osang ka metetdaktsü.
Senji Direct Contribution sen lakh 15.69, Air Pay Link ajanga online contribution sen lakh 23.20 aser PayTM app ajanga sen lakh 6.81 aru. Iba dakji alia Bollywood actor, Sushant Singh Rajput-i sen crore 1.25 agütsü.
Nagaland nung relief & restoration mapa inyaktsü atema linük nung sensotemi teyari agütsüba atema kanga pelar, ta Chief Minister Neiphiu Rio-i metetdaktsü.
Paisa Sushant Singh Rajput dang CM Relief Fund asoshi sen crore 1.25 indang cheque agütsüba atema kanga pelaba shisem.
CM Relief Fund dangi Credit Card, Debit Card, Netbanking, Amazon Pay, OLA Money, Jio Money aser PayTM ajanga sen yoktsü akok. Iba nung sen agütsüba atema Income Tax kecha magitsü.