CM Rio-i 3rd NE Games 2024 indang Games Fest & Games Village semzüktsü

Dimapur, Metsüremi/March 15 (TYO): Nagaland Chief Minister Neiphiu Rio-i March 15, 2024 nü 3rd North East Games 2024 atema Games Fest aser Games Village semzükja liasü.

Kingdom Culture Church, Dimapur nungi Pastor Visasier Kevichüsa-i sarasadema tenzükba sentong nung aruya aliba asayamung asoshi takok aser temoatsü bushia nisung aika adenshia liasü.

Council of Ministers aser Advisor temi meina CM Neiphiu Rio-i North East Games 2024 indang Games Headquarters semdanga liasü.

Chief Minister-i iba asayamung nung shilem agitsü aliba asayartem, ketdangsürtem, volunteers aser asayamung ayonger dang pelaba lemsatepa liasü.

Games Fest aser Games Village semzüktsüba ajanga Nagaland sorkari tongtibang asayamung tulu ayongtsü asoshi bendanga agütsür inyakba kuli sayur.

Games Village nung facility tajung agütsüba den ki o jen tajung renema aliba ajanga asayar aser terepranger nem world-class experience agütsütsü, ta pai ashi.