CM Rio-i department ajak renema atatsü tuyu

Dimapur, May 5, 2023 (TYO): Chief Minister Neiphiu Rio-i sorkar department ajak dang tzüngluruwa mapang alima lendong balala atema renema atatsü metetdaktsüogo.

CM Rio ya Nagaland State Disaster Management Authority (NSDMA) indang chairman lir aser pai tanü monsoon preparedness meeting ka ayonga amendang public nem tsüngsang-mopung osang sangoktsütsü aser local level nung osangtsüsang prokshitsü indang jembi.

“Gari lenmang tajung den kilentzü ayimdak shitak ayutsüla anungji Public Works Department (Roads and Bridges), National Highways aser Infrastructure Development Corporation Ltd. ajanga teinyaktsü mapatem inyaktsüla” ta Rio-isa ashi.

Paisa bangdak department den asüngdangtepertem ang lenmang nung cables enoktsü ayongzük.

CM Rio-isa home guards, Civil Defense aser State Disaster Response Force dang jungjunga training agitsü aser renema alitsü tetuyuba agütsü.

Health & family welfare department-ia medical emergencies nung amshiba mozütem shitak ayutsü atema CM Rio-i ashi.

Paisa PHED dang tzüngluruwa mapang tzü tajemtsü peria ayutsü aser Food & Civil Supplies department dang district o yimtsüngtem nung aliba godowns o stores nung jangotsü teperi ayutsü ashi.

“Alima lendong aika nisungtem ajanga adokdaktsür aser asenoki lenmang aser kilentzü ayimdak jungjunga anepalura lendong tulu nungi kümzüktsü” ta Advisor to NSDMA, Z Nyusietho Nyuthe-ia senden nung ashi.

Iba senden nungsa NSDMA, PWD(R&B), NHIDCL, HG & CD/SDRF, Health & Family Welfare department temi PowerPoint presentation sayu.