CM Rio-i Hornbill Festival tepela lemsateper

Dimapur, December 11 (TYO): Nagaland Chief Minister Neiphiu Rio-i 20 buba Hornbill Festival takok ngua amongba atema tenüngsang agütsüogo.
Taküm benjung kanga dang takok ngua mongogo aser tesemdangertem taküm teimba liasü. Talisa local tourists aser Nagaland nung alirtemi kanga longsoa shilem tajung agiba atema pelar, ta Rio-i ashi.
Tetenzük anogo nungi benjung tembang tashi maparen ajak kanga junga inyakogo. Asenoki maneni metokmeperitem metongshir iba benjung tajungba nung mongyonga aotsü atema merangteptsüla, ta paisa ayongzük.
Nagaland sorkari kin hohotem, event management groups, NGOs aser sorkar Government Department ajak dang pelaba shisemer, ta CM Rio-isa ashi.