CM Rio-i State Level Control Centre semdang

Dimapur, April 6 (TYO): Nagaland Chief Minister, Neiphiu Rio-i April 6, 2020 nü State Level Control Centre (COVID-19) semdangogo.
Iba centre ya Kohima nung Lotha Hoho Building, Kezekie nung lapoka lir aser tanü CM Rio-i Nagaland nung COVID-19 anema inyakba mapa indang osang metetpelaogo.
Iba centre nung anogoshia district 11 nungi osangtem bendener aser tanü OSD, Nagaland State Disaster Management Authority, Johnny Raungmei-i Chief Minister dang osang law & order aser tongtipang nüngdakbatem belenba osang metetdaktsü.
Linük ajunga shibanger hopta tasembuba nung ayaoka aidang CM Rio-i district 11 nung tangalen nungi aayangi arurtem indang osang metetpelaba den state level Control centre nung ketdangsertem dang mapa tajungtiba inyaktsü atema ayongzük.