CM Sangma-i Salmanpara Police Station semzüktsü

Shillong, February 26 (Agencies): State telongtet nung police tashi tali itshitsü nükjidong nung, Meghalaya Chief Minister, Dr Mukul Sangma-i South West Garo Hills nung Salmanpara Police Station tasen ka semzüktsü aser iba ki asütsü asoshi lung azüngtsü.
Iba sentong nung Meghalaya Home Minister, HDR Lyngdoh, Sports & Youth Affairs Minister, Zenith Sangma, MLA W.D. Sangma, Majendraganj MLA, Dikkanchi Shira, Addl. DGP, B.L. Buam, district nung police ketdangsertem aser nüburtem aika arua aden.
Taoba mapang State Budget Session aliba mapang CM-i state nung police station tasen 15 aser tang aliba police outpost asem police station jenjangi ajungkettsü ta shia liasü.
Item police station ya Garo Hills nung 9, South West Garo Hills district nung aliba Salmanpara aser Damalgre nung 2 lir.