CM TR Zeliang degree ken o: HC-i obendang magütsüi atar

Kohima, September 16 (TYO): Tanü Kohima Bench of Gauhati High Court (GHC)-i Nagaland Chief Minister TR Zeliang tazüngba kuli ken o nung obendang magütsüi atar.
Chief Minister, T R Zeliang atema counsel aser petitioners- Maziezokho Nisa aser KK Kulimbe nungeri Kohima Bench of GHC obendanger, Justice M R Pathak nem tezüluba nung ken o tem agütsüogo.
Iba sülen obendangeri obendang magütsüi sota ayu.
State nung lower court-i July 29, 2016 nü Chief Minister, T R Zeliang tazüngba kuli nung ken otem benoka aliba agienjaka petitioner temi lower court tetuyuba anema August 18 nü High Court nung benoka lir.
September 14 nü Justice Pathak-i counsel anaprong nungi ken o angadanga liasü aser tanü ken otemji tezüluba nung agütsüogo.