CM XI & CS XI na football asayatsü

July 16 (TYO): July 22, 2015 nü Secretariat Plaza nung nikongdang 2:00 ako nungi Chief Minister’s (CM) XI (Legislators) aser Chief Secretary’s (CS) XI (AHODs & HODs) na tsüngda football asayatsü.
Iba dak sentakba nung Chief Minister Office aser Chief Secretary office na nungi team ka ka kümtettsü atema osang agütsüogo, ta sangdong ka ajanga metetdaktsü.
Kasa sangdong nungsa ashiba agi, iba asaya nung nisung melentepa aitsüba asoshi kecha tenokdangba malitsü. Anungji kwiben melen nüdir melentettsü. Ajisüaka asayar ajak Legislators aser Administration nung Head of the department nungi asütsüla.
Asayartem asemtsü süoshi den asayar o VVIP tem süngojemtsü ajak sentong ayongertemi renemtsütsü aser Secretariat Plaza indang rostrum nung amendak tesem renemtsü asoshi Home Department nem nungloktsüogo, ta sangdong ajangasa ashi.
Secretariat nung ketdangsertem aser staff ajak den New Secretariat Complex anasa aliba Head of the Department ajak nungi staff ajak iba asaya arua reprangtsü metetdaktsür , ta sangdong ajanga metetdaktsüogo.