CMA Award nung Garth Brooks-i tematiba takok angu

November 04, 2016: November 02, 2016 aonung Bridgestone Arena, Nashville nung 50buba Country Music Association (CMA) Awards sentong kaogo; iba sentong nung Garth Brooks-i tematiba award- Entertainer Of The Year angu aser Chris Stapleton-ia award ana angu.
Ajisüaka Taylor Swift aser Beyonce nati CMA Awards sentong kanga mera ketdakja liasü.
Iba sentong Carrie Underwood aser Brad Paisley nati ketdangsü. US Tir election anogo ana nung lia Brad Paisley-i US Tir atema candidate Donald Trump dak sentakba asayamenütsü maongka ngua liasü.
Dolly Parton-ia award ka angu aser ibaji densemabo lai tang tashi nung award 150 jungnüa nguogo aser Willie Nelson-i Lifetime Achievement Award angu.
Country kenteneri tang tashi nung CMA award teku angur. 201 küm nunga lai Grammy Lifetime Achievement Award ngua liasü.
Kasa sentong nung Beyonce-i ‘Lemonade’ ken ‘Daddy Lessons’ Dixie Chicks den külemi aten.
Ano külen tesüiba küm asem tsüngda Taylor Swift-i tang mezüng CMAs nung shilem agia Garth Brooks nem Entertainer Of The Year award agütsü.
Iba aonung Little Big Town-i ken tasen ‘Better Man’ aten;iba ken ya Taylor Swift-i züluba ken liasü.
Yaküm küm CMAs takok angur Miranda Lambert, Luke Bryan aser Florida Georgia Line nungeri takümbo award kata mangu saka taküm agi tanabenbuba Little Big Town-i Vocal Group Of The Year aser Chris Stapleton-i taküm agi tanabenbuba Male Vocalist Of The Year award angu.
Stapleton-ia ‘Fire Away’ ken ajanga Music Video Of The Year award angu saja temaba sempet (Entertainer Of The Year) mengutet.
Female Vocalist Of The Year award Carrie Underwood-i angu. Vocal Duo Of The Year award Brothers Osborne-i angu aser New Artist Of The Year Maren Morris-i angu.
Chris StapletonChris Stapleton at the 2016 CMA Awards
Tangartem:
2016’s Single Of The Year: “Die a Happy Man” Thomas Rhett
Song of the Year: “Humble and Kind,” Tim McGraw
Musical Event of the Year:  “Different for Girls,” Dierks Bentley feat. Elle King
Musician of the Year: Dann Huff (guitar)