CMHSS Impur alumni Dimapur unit senden ayonger

Dimapur, Rongjui/September 11 (TYO): Clark Memorial School Impur (CES, CMI, CMHS, CMHSS ) küm 125 ajungba jubilee mung 2020 küm Impur nung amungtsü, anungji iba dak sendakba nung Dimapur nung aliba alumni tem ajak September 13 nü nikongtsütsü 2:00 ako nungi tenzüka DABA Town Fellowship tenla kidang sarasadem mapang ka agitsü asoshi ayongzükba ketdangsertemi metetdaktsüogo.
Iba senden nung maneni jubilee dak sendakba nung tongtibang onük tem lemtettsü ali nung, iba osang angur alumni tem ajak arua shilem tajung agitsü asoshi mepeshir, ta ketdangsertemisa metetdaktsü. Osang tejangjaba agitsü asoshi item No. 9436426580 (Watila), 9436606047 (Arenla) aser 9862588719 (Tia longchar) tem nung tongteprateptsü asoshi metetdaktsüogo.