CNTC asür Tokheho mang ayimer

Dimapur, January 14 (TYO) : Taoba Interim Body Member aser ex-minister, Padmashree Tokheho H. Sema asüba atema mang ayimer, ta Central Nagaland Tribes Council (CNTC)-i sangdong ka nung metetdaktsü.
Pa asübaji Sumi kin atema dang masü saka Naga nunger ajak atema takoksa ulura lir. Asür Tokheho ji nisungji ka liasü aser pai loktiliba atema mapa tajung aika inyakogo, ta Media Cell, CNTC-i sangdong nung ashi.
Pai mapa balaka inyaktetbatem ajiteta 2016 küm sorkari pa nem Padmashree Award agütsü. CNTC-i tasür kibong den asüku lemsar aser Tulusangi iba mapang tesünep agüjang ta sarasademtsür, ta sangdong nungsa shia lir.