CNTC-i Ao Senden & Sumi Hoho ketdangpurtem pela agizüker

Dimapur, June 6 (TYO): Ao Senden aser Sumi Hoho nung mendenpur tasentem nem tenüngsang agütsür, ta Central Nagaland Tribes Council (CNTC)-i sangdong ka nung metetdaktsü.
Kin asem atema tongti sabang ka ama CNTC-i kin asem atema dang masü saka Nagaland nung alirtem den maneni telongjem, teyaritep aser tenangzüktep kübok inyaka aotsü.
Tai inyakyim aser tangatetbatem anema CNTC-i maneni inyaktsü aser tarutsü jenjang tajungba kümdaktsütsü atema Nagaland nung alirtem taginüba aser alizüngtem atema inyaktsü, ta Media Cell sangdong ka nung ashi.