CNTC-i maneni JCC pusema nungiter

Dimapur, August 12 (TYO): Central Nagaland Tribes Council (CNTC)-i August 5, 2017 nü Lotha Hoho Ki Dimapur nung Urban Local Bodies (ULB) dak sendakba onüktem atema senden ka ayonga amen.
Sendenji Ao Senso Telongjem Dimapur (ASTD), Lotha Hoho Dimapur (LHD) aser Western Sumi Hoho (WSH) teloktem den amen, ta Media Cell CNTC sangdong ka nung metetdaktsü.
CNTC nungi JCC züngsemtemi maneni ULB indang onüktem asoshi inyaktsü atema teloki parnok pusema nungittsü senden nung telemtetba agi.
November 24, 2016 nü Nagaland Legislative Assembly-i ULB indang telemtetba agia aliba meyipa agiang ta JCC-i takhangba agütsüba nung CNTC-ia pusema nungittsü ta senden nungsa lemtet.
Maneni, JCC-i state sorkar dang ita ana tsüngda Joint Inquiry Committee (JIC) report agütsütsü aser Municipal Act 2001 tekaratiba nung yanglutsü akhangba CNTC-i pusema nungiter, ta Media Cell-isa ashi.
JCC-i CNTC den amalitepa aser osang metetpela külem taginüba onüktem asoshi inyaka aotsü, ta senden nungsa bangzünga renem.