CNTC-i Sarbananda Sonowal aser BJP nem tenüngsang agütsür

Dimapur, May 21 (TYO) : Assam state assembly elections nung Sarbananda Sonowal-i anir par BJP-i takok tulu anguba atema Central Nagaland Tribes Council-i tenüngsang agütsü.
Sarbananda Sonowal ya Assamese nunger lisopur ka lir aser pa ajanga Assam-Nagaland tesentaktep akangshitsü aser state ana tsüngda arrtsü mangatettep aliba bentettsü imlar, ta CNTC-i sangdong ka nung metetdaktsü.
Iba denji külemi, ozüng alema arua alirtem khuret ya tekaratiba nung koktettsü ta CNTC-i imlar, kechiyong iba ya linük security atema tebilemtsü khuret tulu ka lir. Iba khuret ya mazüokra, kobi melii north-east nung bendangertemi lisopurtem ajembangtsü, ta sangdong nungsa metetdaktsü.