CNTC RN Ravi pelashishia agizüker

Dimapur, Luroi/August 1 (TYO): Central Nagaland Tribes Council-i Nagaland Angh tasenba RN Ravi pelashishia agizükogo. Ravi-i Naga nunger yimten yimsüsüba tera tonga ia meteta aliba ajanga Naga nungertemi mapang talangka nungi telemtetba ka aginüa aliba takaratiba nung mapa küma inyaka aotsü imlaba CNTC-i lemsatep.
Pai Nagaland Angh mapa belenzüktsü renema aliba mapang ka nung nüburtem timla tali kümogo aser iba timla ya amajok ka masü saka mapa küma inyakteta, mapang talanga nungi yongyaa aliba yimjung tesunep aser telungjem Naga nunger asoshi bener arutsütsü atema CNTC-isa mepeshiogo, ta CNTC media cell sangdong ka ajanga metetdaktsü.