‘Coat Of Many Colors’ film NBC temaba jenjang nung lir

December 13, 2015: Kentener Dolly Parton indang taküm otsü ken ‘Coat of Many Colours’ nung ajemdaker yangluba NBC TV film ‘Coat of Many Colours’ Brihostibar aonung viewers million 12.8 liasü. Iba film nung Parton film tetenzüklen iba ken tena khen dang adoker, saka film nung Parton tetsü shilem agila, Jennifer Nettles bo tenüngsang kanga nguogo.
Tesüiba küm pezü tsüngda ‘big four’ broadcast networks nung ghonda ana film ‘Coat of Many Colours’ ji nisung timtibai reprangba film liasü.
Iba film ya ajanga Parton lanuwa otsü, Tennessee nung la intetba aser lar kibongi takum yipru koktetba aser süoshi tejen agi tetsüt la nem tola ka arrtsüba ajanga la tanü iba jenjang tongteta aliba ostü shia lir.
‘Coat Of Many Colors’ film ajanga takok tulu anguba sülen Dolly Parton dak ajemdaker yangluba film NBC nung sayatsü akok. Rolling Stone magazine den jembidang NBC entertainment Chairman, Robert Greenblatt-i, “‘Jolene’ aser ‘I Will Always Love You’ ama nunga onok ket nung otsü lir,” ta shiogo.
“Tesem ka nungbo, ‘Coat of Many Colours’ ya tezübatiba, kechiyong iba ken ajanga la takum otsü ashir,” ta paisa ashi.