‘Cock Fight’ tetoktepba nung Throngsomong-i akok

December 8, 2017 anogo Kisama nung kin balala nungi ‘cock fight’ nung shilem agiba mapang tangokba noksa nung angur.

Kohima, December 08 (TYO): Naga Heritage Village, Kisama nung December 8, 2017 anogo ‘Cock Fight’ tetoktepba agiba nung Yimchunger kin nungi Throngsomong-i akok. Iba sentong ya Hornbill Festival 2017 indang cultural programme ka ama Department of Youth Resources & Sports ajanga ayongzüka liasü.
Kachari kin tenüng nung shilem agir Khaimaigirisa aser Lotha kin tenüng nung shilem agir, Renpen nati tanabuba aser tasembuba jenjang angu. Iba tetoktepba nung kin 14 nungi shilem agia liasü aser shilem agir ajunga nem kuli kaket agütsü.