Coffee marok 3-4 ajemba ajanga tajangzük

Coffee sapua ajemertem atema osang tajung kaji, anogoshia coffee marok 3-4 ajemba ajanga Type 2 diabetes tashitak risk ajemtsü ta bushisüngdang tasen ka ajanga metetdaktsüogo.
Denmark nunger scientist temi coffee ajemba ajanga temang anema alibaren nung tajangzük indang compound ana jangjaogo, aser iba ya ajanga diabetes tashitak nokdangtsü atema mozü tasen yanglutettsü akok.
Coffee nung bioactive components aika lir aser item rongnung koba component ajanga diabetes nokdangter’ar ibaji jangjatsü atema coffee substance balala tendangogo.
Compounds ana- cafestol aser caffeic acid nung kodang glucose inoksemdir ibaji ajanga insulin secretion timba kümdaktsür.
Denmark nung aliba Aarhus University Hospital nungi iba bushisüngdanger tongti, Soren Gregersen-i ashiba agi, cafestol ajanga tajangzük anaji- iba tashitak nokdangttsü aser Type 2 diabetes tashitak anepalutettsü.
Type 2 diabetes tashitak ya tetsü-tebou azü nung aruba aser libaliro balala kuli aika ajanga lir, saka coffee ajemba ajanga iba tashitak nokdanger.
Iba osang ya ACS’ Journal of Natural Products nung adokja liasü.
-Source Internet