Coffee marok asem ajemba ajanga diabetes nokdangtettsü

Coffee sapurtem kanga pelatsüsa, anogo shia coffee marok asem mesüra pezü ajemba ajanga ‘Type 2 diabetes’ nokdangtettsü, ta scientists temi ngutetogo.
Denmark nunger scientists temi coffee nung aliba ‘compound’ ana ajanga taküm nung teyari agütsüba putetogo aser itemji enoka yangluba mozü ajanga ‘Type 2 diabetes’ nokdangtettsü.
Parnoki iba tetendangba ya koya indang ‘cells’ dak agia liasü.
Type 2 diabetes nokdangtetba, coffee nung aliba compound anaji – cafestol aser caffeic acid tem lir aser koya indang cell dak tendangba mapa item compound ana yagi, ‘glucose’ enoktsüdang ‘insulin’ sadema adoktaktsü.
Iba den külemi cafestol agi shi tetsü nung aliba cells tem nung glucose renlokdaktsür ta parnoki ngutet aser iba inyakyimji tang diabetes atema mozü adoka aliba inyakyim den kasa lir.
Aarhus University Hospital, Denmark nungi iba bushisündang nung lenir, Soren Gregersen-i, cafestol ajanga mapa ana inyakba ajanga Type 2 diabetes nokdangtsü aser tashidak yariba nung kanga nüngdaktsü, ta metetdaktsü.
Yimya tapu balala ajanga Type 2 diabetes adoktaktsür, ajisüaka coffee ajemba ajanga iba tashidak nokdangteter.
Iba tongutetba ya Natural Products kaket nung adoktsüogo.
Source : Internet