Coldplay-i lajartem asoshi sen bendentsü

Mumbai, October 19 (Agencies) : British rock band Coldplay-i India nung kenten sentong agiba ajanga linük nung lajartem atema senotsü bendentsü.
November 19, 2016 nü Mumbai nung Global Citizen Festival India sentong nung Coldplay, Jay Z, Aamir Khan, Ranveer Singh, Katrina Kaif, A.R. Rahman, Farhan Akhtar, Shraddha Kapoor, Arjun Kapoor, Arijit Singh, Dia Mirza, Shankar-Ehsaan-Loy aser Monali Thakur nungeri shilem agitsü.
Global Citizen India den Miracle Foundation-ia teyari agüja iba sentong nung lajartem indang osang prokshitsü aser parnok yaritsü atema senotsü bendentsü sentong atongogo.
Taruba küm 15 atema Miracle Foundation ya Global Citizen India atema official non-profit partner asütsü, ta sangdong ka nung metetdaktsü.
Iba sentong nungsa Shah Rukh Khan, Sachin Tendulkar, Ayushmann Khurrana, Malaika Arora Khan, Parineeti Chopra, Sakshi Malik, Sonakshi Sinha aser Vijender Singh nungeria shilem agitsü.
Ghonda trok kenten sentong nung alima nung nüngtugu kentener telok Coldplay den tangar aikati shilem agitsü. Coldplay nung züngsemtemji- Chris Martin, Jonny Buckland, Guy Berryman aser Will Champion nunger lir.
Yaküm Martin-i Global Poverty Project atema India semdanga liasü aser Global Citizen Festival atema pa curator lir.